Con motivo da celebración do primeiro ano como cooperativa de 50pés consultoras, retomamos os Cafés de Mulleres Emprendedoras, visitando a cidade de Vigo, e a unhas mulleres cun proxecto moi querido por nós, A Morada, que serán as nosas anfitrionas desta vez.
Estes cafés teñen unha dupla intencionalidade: por unha banda, propiciar os intercambios económicos e aumentar o número da nosa clientela potencial; e por outra banda, tecer unha rede de apoio e aprendizaxe mutuas que nos podan servir de respaldo na aventura empresarial.
O encontro terá lugar o próximo mércores 12 de abril de 19:00 a 20:30 na Morada (Rúa Enrique X. Macías, 6) e será guiado por 50pés consultoras, para crear un ambiente relaxado e distendido e podermos Conversar sobre os nosos Proxectos e trocar experiencias.
É un evento ao que agradecemos que te inscribas no seguinte formulario, para poder organizar o espazo e os coidados do mesmo.
Esperámoste!!
Formulario:
INSCRÍBETE NO CAFÉ DE MULLERES EMPRENDEDORAS EN VIGO AQUI
Esta atividade está financiada por 50pés consultoras S. Coop. Galega e no ten custo para as persoas participantes